Mediasiya Şurasının təlimçiləri ASAPES tələbələri ilə görüşüb
Tələbə və könüllülərlə iş şöbəsinin təşkilatçılığı ilə 16 oktyabr 2023-cü il tarixində Mediasiya Şurasının təlimçiləri Azərbaycan Dövlət Bədən Tərbiyəsi və İdman Akademiyasının (ASAPES) tələbələri ilə görüş keçirib.
Görüşdə Mediasiya Şurasını Bakı 16 saylı mediasiya təşkilatı təmsil edib. Təşkilatın rəhbəri Oğul Kərimov və mediatorları Cavid Cəfərov, Rəsul Nəbizadə və Ramiq Qardaşov Mediasiya ilə bağlı maarifləndirici çıxışlar edib, günümüzdə Mediasiyanın rolu və əhəmiyyətindən bəhs ediblər. Eyni zamanda tələbələrlə müxtəlif kazuslar müzakirə edilib və onları maraqlandıran suallar cavablandırılıb.
Sonda tədbir iştirakçılarına Mediasiya Şurası tərəfindən nəşr edilmiş maarifləndirici materiallar təqdim edilib.
