ADBTİA institusional akkreditasiya üzrə hazırlıq prosesinə başlayıb
“Ali təhsil müəssisəsinin institusional akkreditasiyası üzrə qiymətləndirmə Meyarları”nın istiqamətlərinə əsasən, Azərbaycan Dövlət Bədən Tərbiyəsi və İdman Akademiyasında akkreditasiya prosesinə hazırlığa start verilib. “Ali təhsil müəssisəsinin institusional akkreditasiyası üzrə qiymətləndirmə Meyarları”nın 7 (yeddi) istiqaməti əsasında özünütəhlil hesabatlarının hazırlanması ilə bağlı Akademiyanın nəzdində işçi qrupları da yaradılıb.
İyunun 24-də özünütəhlillə bağlı işçi qrupların iştirakı ilə geniş tərkibdə görüş keçirilib. Görüşdə prioritet istiqamətlər üzrə Akademiyanın səmərəli fəaliyyəti üçün atılacaq addımlarla bağlı Akkreditasiya müddətində baxılması nəzərdə tutula bilən sənədlərin təxmini siyahısı müzakirə olunub.
ADBTİA-nın Elmi işlər, beynəlxalq əlaqələr və keyfiyyət siyasəti üzrə prorektoru Təhminə Tağı-zadə çıxış edərək işçi qruplarının üzərinə düşən vəzifə öhdəliklərinin icrasının təmin olunması ilə əlaqədar tapşırıq və tövsiyələrini verib.
