Cüdo federasiyasından olan qadın idmançılar müxtəlif testlərdən keçiblər
İyunun 29-da Azərbaycan Dövlət Bədən Tərbiyəsi və İdman Akademiyasının (ASAPES) Elmi-Tədris Laboratoriyasında Azərbaycan Cüdo Federasiyasının qadın idmançıları aşağıda qeyd olunan tibbi və fiziki testlərdən keçiriliblər:
-Həkim müayinəsi
- Əzələ fəaliyyətinin qiymətləndirilməsi (Muscle Function)
- Bədənin xüsusi tərkibinin ölçülməsi (Body composition measurement)
- Sabitliyin (tarazlıq saxlama qabiliyyəti) ölçülməsi (Stabilometry)
- Fiziki gərginlik zamanı ürək-ağciyər sisteminin müayinəsi (Cpet)
- 3-D antropometriya
- Psixoloji test.
Proqram hər idmançı üçün fərdi olaraq Böyük Britaniyanın klinik protokollarından (Institute of Sport Exercise and Health, University College London) və ComplexCore+ fiziki hərəkətlər kompleksindən istifadə edilməklə tərtib olunub.
Qeyd edək ki, testlər ComplexCore+ şirkətinin Baş əməliyyat və Baş maliyyə direktoru Taro Netzer və Elmi-tədris laboratoriyasının mütəxəssisləri tərəfindən həyata keçirilib.
Testlərdən müvəffəqiyyətlə keçən idmançılara uğurlar arzulayırıq!