“İrimiqyaslı idman yarışlarında menecment” mövzusunda seminar keçirilib
Azərbaycan Respublikası gənclər və idman nazirinin müşaviri, ASAPES SABAH qruplarında “İdman marketinqi” və “İdman klublarının menecmenti” fənlərini tədris edən Ramil Cabbarov mayın 11-də Akademiyanın konfrans zalında ASAPES SABAH qrupları “İdman menecmenti və kommunikasiya” və “Məşqçilik” ixtisaslarında təhsil alan tələbələr üçün “İrimiqyaslı idman yarışlarında menecment” mövzusunda seminar keçib.
Seminar zamanı tələbələrə kütləvi idman tədbirlərinin menecmentində izlənilən ümumi gedişat, ortaya çıxan problemlər, onların tədqiqi, təhlili və qiymətləndirilməsi haqqında məlumat verilib, Azərbaycanda keçirilən idman yarışları, idman yarışlarının idarəetməsində maliyyə, hazırlıq iş planı, marketinq və təbliğat məsələləri haqqında müzakirələr aparılıb.
Seminarın sonunda nazir müşaviri Ramil Cabbarov tələbələrin suallarını cavablandıraraq şəxsi iş təcrübəsini onlarla bölüşüb.
