ASAPES-in sərrast atıcıları müəyyənləşib
Azərbaycan Dövlət Bədən Tərbiyəsi və İdman Akademiyasının “Kütləvi və Tətbiqi İdman növləri” kafedrasının “Atıcılıq idmanı” bölməsi ilə ADBTİA-nın Həmkarlar İttifaqı Komitəsinin birgə təşkil etdiyi, 8 noyabr - Zəfər Gününə həsr olunmuş “Sərrast atıcı” turnirinə yekun vurulub.
Turnirdə ali təhsil ocağının müxtəlif şöbə və bölmələrinin professor-müəllim kollektivi, intibati heyət üzvləri və tələbələr iştirak ediblər. Maraqlı idman mübarizəsi şəraitində keçən yarışda ilk 3 yeri tutan iştirakçılar diplom və hədiyyələrlə təltif olunub.
