"Mütləq çempion"lar arasında tələbələrimiz var!
Azərbaycan İdman Akademiyasının tələbələri Azərbaycan Respublikasının Gənclər və İdman Nazirliyinin təşkilatçılığı ilə Bakıda Zəfər Gününün dördüncü ildönümünə həsr olunan “Qələbə qaçışı” adlı marafonda iştirak ediblər.
“Qürurla irəli” devizi altında keçirilən qaçış Dənizkənarı Milli Parkda, “Yeddi gözəl” fəvvarəsinin qarşısından start götürüb. İştirakçılar 10 kilometr məsafəni qət edərək finiş xəttinə çatıblar.
Yarışda "Mütləq çempion"lar arasında Məşqçilik fakültəsinin Sərbəst güləş ixtisası üzrə 212A7 qrupundan Cabbarlı Nihat - 4-cü (tələbələr arasında 1-ci yer), Kütləvi-tətbiqi idman fakültəsinin Atletika ixtisası üzrə 113R1 qrupundan Qrupskiy Valeriy Vitaliyeviç - 5-ci (tələbələr arasında 2-ci) yerlərin qalibi olublar. Bundan başqa tələbələr arasında 3-cü yerin qalibi adına isə Atletika ixtisası üzrə 113A4 qrupundan Əsədli Novruz laiq görülüb.
Qaliblərimizi təbrik edirik!
